Die Badge Boy lapelwapentjies is beide dekoratief en nuttig vir
werksplekke soos winkels, restaurante, ontvangspersoneel en talle
ander. Die wapentjies kan ook aangewend word deur groepe in skole, klubs
en sportspanne.
Die Badge Boy wapentjies kan benut word deur groepe wat 'n
bepaalde saak in hul besigheid wil beklemtoon, soos byvoorbeeld
omgewingsbewaring, herwinningsprojekte en hulpdienste.
Ons hoë kwaliteit wapentjies is oulike items om te gebruik. Dis
nie net vir kinders en jongmense nie, maar personeel van besighede, lede
van organisasies en so meer, kan almal die produk goed aanwend. Winkels kan
die lapelwapentjies gebruik om hul personeel se name te laat vertoon. Die
gebruik van wapentjies gee
net daardie tikkie meer persoonlike en professionele aanslag aan 'n besigheid
wanneer
hul
personeel naamplaatjies dra.
Die lapelwapentjies of knopies is ook baie nuttig vir groepe wat
fondsinsamelings vir talle projekte wil hou vir liefdadigheid, skole en
kerke. So is die artikeltjies baie nuttig by pret-draf-geleenthede, maar
dit kan ook gedra
word tydens ander sportgeleenthede. 'n Voorbeeld daarvan is die opkomende
sokker 2010 gebeurtenis in Suid-Afrika. Baie spanne raak reeds
entoesiasties oor dié gebeurtenis wat aan die kom is. Sportlede kan
hulle span se name vertoon met die kentekens en sodoende hul span
ondersteun.
Ander geleenthede soos musiek- en verskeie soort karnavalle,
kermisse, verjaardag-vierings, herdenkings, partytjies,
kindervermaak, feeste en talle ander vind nut by kentekens.
Musikante kan hul orkes se naam vertoon en vir bemarkingsdoeleindes
aanwend, nadat die vertoning verby is. Dis pret en tog ook handig en
prakties.
Groter organisasies wat jaarliks fondsinsamelings hou, kan die knopies
herverkoop om beide die gebeurtenis te verkondig en die boodskap van 'n
bepaalde saak oor te dra. Terselfdertyd kan fondse ingesamel word met die
herverkope. Voorbeelde daarvan is Oktobermaand (met kankermaand
insamelings pogings) en Wêreld-biddag.
Skole kan hul eie skoolwapen of kenteken op die knopie laat plaas en met trots
hul embleem vertoon. Elke afsonderlike groep vir sport, kunste, musiek,
biblioteekdienste, prefekte, leiers, ens. dra dikwels dié soort
wapentjies.
Belangrike sosiale en ander temas soos omgewingbewaring en die
hernuwing van uitgediende produkte, se boodskappe kan alles uitgedra
word met sulke lapelwapentjies. Hulle is goeie vertrekpunte vir
gesprekke
oor verskeie onderwerpe.
Wil jy jou mooi stad of kontrei so bietjie ekstra bemark of
bekendstel? Of jy nou langs die groen-blou see in Durban, Shelly Beach of
Kaapstad is, of jy nou in die binneland by Sabie of in Pretoria of
een van die ander groot stede bly, 'n kenteken of lapelwapentjie met jou stad, dorp of
kontrei se naam op, om die gebied te bemark, sal gewis 'n wenner wees.
Nuwe besighede het baie nut gevind met die bemarking en
bekendstelling van hul produkte en dienste met lapelknopies. Firmas
wend dit aan om belangrike jaarlikse funksies of kursusse, seminare of
kompetisies bekend te stel.
Knopies het belangrike versierings en versamelstukke geword. Hulle is
ook oulike mode-artikels en kan gedra word by allerlei klere, soos
baadjies, onderbaadjies pette, hoede, saam met serpe, handsakke, skoene,
skooltasse, beursies en vele meer.
Badge Boy se produkte is veelsydig, maar as u nie 'n gepaste knopie
in ons versameling sien vir u bepaalde doeleindes nie, stuur gerus 'n
navraag met meer inligting. Ons skep gereeld knopies met nuwe temas.
Ons hoor dus graag van persone met spesiale versoeke.
By Badge Boy sal jy ontwerpe sien wat nêrens anders gekry word nie,
omdat sommige ontwerpe eksklusief vir Badge Boy geskep is.
Besoek enige van die afdelings in ons versameling vir foto's van ons
gewildste produkte. Dit sluit die volgende temas in:
Die pryse van ons wapentjies is billik en word van
goeie materiaal vervaardig. Die knopies is almal rond, 37mm en met
'n stewig vas gehegte speld aan die agterkant. Kliek op die duimnael
hieronder om
'n idee te kry van hoe die lapelknopies aan die agterkant lyk.
Lapelwapentjie se speldjies van agter gesien
- Daar is talle voordele met die aanwending van
lapelkentekens:
- Die lapelwapenjies is goedkoop
- Dis heerlike itempies om te versamel
- Die knopies versprei 'n boodskap
- Dis as't ware lopende advertensies
- Dit maak 'n verklaring
- Dis lekker om met iets
kleins, maar moois te
spog
- Dis tans eg modieus om 'n lapelwapentjie te dra
|
Stuur vir ons jou logo, slagspreuk of selfs jou eie
ontwerp en ons maak dit vir jou.
Waarvan word die Badge Boy kentekens, wapentjies of knopies
gemaak? Ons gebruik net die tradisionele tipe metaalbasis. Geen
plastiek wapentjies vir ons nie. Die enigste nie-metaal deel van die
wapentjie is die kunswerk op die voorkant wat van papier is. Die
kunswerkie kry 'n beskermde lagie plastiek, wat die knopie se
prentjie of voorkant duursaam maak.
Ons het talle ontwerpe, maar as jy 'n eie ontwerp
in gedagte het, stuur dit per epos of landpos. As jy nie ‘n ontwerp
het nie, maar iets met 'n tema in gedagte het – vra ons. Ons sal iets
toepasliks ontwerp. Daar is geen ekstra kostes vir so 'n spesiale
ontwerp nie.
|
